Ikhtiyar-e-Mustafa Sallallaho alaihe wa Aalihi wasallam

Ikhtiyar-e-Mustafa sallallaho alaihe wasallam Shariat me:
ALLAH jo saari kainaat ka malik hai,uske marzi ke bina kuch nahi ho sakta.wo sub kuch jaan ne wala hai.usne jo insaan ke liye mazhab chuna hai,wo Islam hai,wo khud fermata hai ki,Beshak jo Allah ke nazdeek jo saccha mazhab hai wo Islam hai(Quran 3:19).
Islam ke saare shariath qayamat tak baandhe rahenge.Allah ne apne habeeb Sallallahu alihi wasallam ko shariath se judey hue saare Qanoon ka haq diya hai.Allah ne apne Rasool sallallahu alihi wasallam ko yeh haq diya hai ke aap shariyath ke Qanoon banayien. Is post me quran,sunnat aur Islam ke buzurgane deen se pata chalta hai ke Aap sallallahu alihi wasallam ne kis tarah shariath ke Qanoon banaye.Is Post ko Al-amnu wa al-‘Ula linaa’it al-Mustafa bidafi’ al- Balaa se liya gaya hai jo 1311 AH me Imam-e-AhleSunnat, Mujaddid-e-Dee-o-Millat Imam Ahmad Raza Khan al-Barelwi (rahimahullah) ne likha .
Yeh kitab Islam ke Qaide-qanoon aur Aap sallallahu alihi wasallam ke be-inteha muhabbat aur adab ka ek mashhoor misaal hai . Imam Ahmad Raza  rehmatullahe ta'ala alaihe ne Qareeban 60 quran ke ayaatein aur RasoolAllah sallallahu alihi wasallam ke 300 hadeesein jama kiye hue hain jo ye sabit karta hai ke Aap sallallahu alihi wasallam Allah ke karam se mushkilaat ko aasaan karne waale hain,madadgar hain aur Allah ki rehmath ko baantne waale hain.
Allah is choti si mehnat ko kubool farmaye,aameen!
Imam Qastalani Aap sallallahu alihi waallam ke khasais se likhte hain ki ,RASOOLALLAH sallallahu alihi wasallam jisko chahe usko shariath ke daire me muaf karne wale hain.
( Mawahib al-Laduniya, vol. 2, p.689)

1.      Ispe Imam Zarqani likhte hain ki aap sallallahu alihi wasallam ko shariath ke mutaliq saare insanon ke liye hukumat mili hui hai.

( Zarqani ‘ala al-Mawahib, vol. 7, p.346)

2.      Imam Jalaluddin Suyuti apne Khasais al-Kubra ke ek sabak me likhte hain ki Baaba ikhtisasihi sallallahu 'alaihi wasallam biannahu yakhussu man shaa’a bima shaa’a minal ahkam (sabak: aap sallallahu alihi wasallam apni marzi se jo chaho,jiske liye chaho qanoon bana sakte hain).Shariath ke qanoon Aap sallallahu alihi wasllam ke hukumat se chalte hain.aap jo chaho wo wajib aur jo chaho wo haram bana sakte hain.aap apni marzi se jiske liye jo qanoon chaho,wo kharij kar sakte hain. Imam Abdul Wahhab Sha’rani , Sayyidi Ali Khawas se likhte hain ki “Imam Abu Hanifa ne wuzu ki niyyath ko fard nahi kaha aur namaze witr ko wajib kyunki yeh kaam sunnat se sabit hain na ki quran se.

Imam Abu Hanifa ne jo kaam Allah se fard kiye gayein hain aur jo RasoolAllah sallallahu alaihi wasallam se, yeh batana chaha hai kyunki Allah se jo kaam fard kiye gayein hain wo subse pehli ahmiyat rakhte hain.Allah ne aap sallallahu alihi wasallm ko yeh haq diya hai ki aap jis kaam ko chahe wo wajib bana dein.

(Mizan al-Kubra, Chapter of Wudu, vol. 1, p.83 )
Neeche diye gaye kuch misaal hadeeson me se jis se yeh pata chalta hai ki aap sallallahu alihi wasallm ne Allah ke diye gaye is paak aur Mubarak haq ko kaise istemal kiya

1.      6 maah se kam umr waali bakri ki qurbani dena jayaz nahi magar aap sallallahu alihi wasallam ne Abu Darda ko 6 maah se kam umr ki bakri ko qurbaan karna jayaz thehraya.

(Sahih Bukhari, vol. 2, hadith 75 )

2.      Makka sharif ke ped paudhe kaatna haram hai lekin aap sallalluhu alihi wasallm ne Abbas (radiALLAH Ta’ala anhu)ko unki iltija per unhein iski ijazat di.

(Sahih Bukhari, vol. 2, hadith 432)

3.      Shauhar ke inteqal ke baad ,biwi ke uper yeh wajib hai ke wo iddath ke 4 mahine 10 din intezar karey lekin aap sallallahu alihi wasallm ne Asma’ bint ‘Umais ko is biddath ke dinon ko muaf kiya,unhein sirf 3 dinon ke liye intezar karne ko kaha.

(Tabqat ibn Sa’d, vol. 5, p.46)

( Kanz al-‘Ummal, vol. 9, p.250)

(Nihaya, vol. 2, p.387, Musnad Ahmad, vol. 6, p.438)

4.      Nikah ke liye mahr kam se kam 10 dirham hai magar jab ek sahabi ne shikayat ki ke unke paas mahr me deneke liye kuch bhi nahi to Aap sallallahu alihi wasallm ne unhein yeh kaha ki wo apni biwi ko quran sikhaye,yehi unka mehr hoga.

(Nasai vol3. Pg.312-313) (Saeed Bin Mansur fi Sunan vol1. Pg.176) (Ibn Hajar fil Asabah vol4.pg.198)

5.      RasoolAllah sallallahu alihi wasallam ne bina mehr ke nikah kiya.

(Abu Dawood)

6.      RasoolAllah sallallahu alihi wasallam ne apne sahabiyon ko qaza roze rakhne se muaf kiya jo rakhna wajib hote hain.

(Bukhari vol 3. H.157)

7.      Resham mardon ke liye haram hota hai magar aap sallallahu alihi wasallam ne Zubair bin al-Awaam aur Abdur Rahman ibn ‘Awf ko iska pehnna halal kiya.

(Bukhari vol 4. H.171)

8.      Sona mard ke liye haram hai magar Baraa’ bin Aazib ko iska pehnna halal kar diya gaya aur aap sallallahu alihi wasallam ne apne haht Mubarak se apne sahabiyon ke ungliyon me sone ki anguthi pehnayi.

(Muslim. Vol 2. Pg.179) (Musannaf Abdur Razzaq vol 6. Pg.65)

9.      Loot ka maal sirf jihadiyon ke liye hoti hai magar aap sallallahu alihi wasallam ne ‘Usman ko bhi loot ka maaal diya jinhone jange badr me hissa nahi liya tha.

(Bukhari vol4. Pg.359)

10.  Rasoolallah sallallahu alihi wasallam ne Umm ‘Atiya ko Nawha karne ki ijazat di thi unke saath jo unke ghar walon ke liye kiye they unke mushkil dinon me.

(Muslim vol 1. Pg.304)

11.  ‘Asma bint Yazid ko bhi yehi Nawha karne ki ijazat di gayi.

(Tirmizi vol 2. Pg.166)

12.  Khuzaima bin Sabit ki ek gawahi apni puri zindagi me aisi hoti ki goya do logon ne gawahi di ho.

(Bukhari vol 4. H.62)

(Kanzul Ummal vol 13. Pg.379)

(Musannaf Absur Razzaq vol 8. Pg.366)

(Tabarani fi Kabeer vol 22. Pg.316)

(Mustarak Hakim vol 2. Pg.16)

13.  RasoolAllah sallallahu alihi wasallam ne Abu Huzaifa ki biwi ko yeh ijazat di thi ke wo apna doodh ek pyale me dalker apne bade bête saalim ko pila sake jo godh liye hue they taki wo unke ghar me jee sake. Ummahat al-Mu’mineen kehti hain ki Rasoolallah’sallallahu alihi wasallam ne yeh ijazat sirf Saalim ke liye di aur baaki sub ke liye iski ijazat nahi.

(Muslim vol 1. Pg.469)

14.  RassolAllah sallallahu alihi wasallam kehte hain ki agar mujhe beemar ka khayal nahi hota to mai is namaz(namaze isha) ko aadhi raat me ada karne ke liye kehta

(Abu Dawood vol 1. Pg.61)

(Ibn Majah Pg.50)

15.  RasoolAllah sallallahu alihi wasallam ne kaha ki agar mai kehta ki her saal Hajj fard hai,to wo her saal fard hota.

(Tirmizi vol 1. Pg.100)

(Ibn Majah pg.213.)

(Nasai vol 2. Pg.1)

16.  ‘Ali ko aap sallallahu alihi wasallam se ijazat mili ke wo janabat ki halat me bhi masjid me dakhil ho jab ki yeh dusron ke liye haram hai.

(Tirmizi vol 2. Pg.214)

17.  Suraqa ko iski ijazat mili ke wo sone ke Kangan pehnein (jaise ke aap sallallahu alihi wasallam ko Allah se ghaibi ilm mila tha) ‘Umar ne Suraqa ke haathon me Kangan pehnaye .

(Dalailun Nabuwwa lil Baihaqi vol 6. Pg.364)

18.  ‘Ali ko aap sallallahu alihi wasallam se yeh hukm mila ke wo apne bête ko yeh naam de ke aap sallallahu alihi wasallam aur unke kunniyat (jo Abul Qasim ka naam tha) de jab ke donon naamon ko milakar rakhna yeh dusron ke liye jayaz nahi.

(Tirmizi vol 2. Pg.111)

(Abu Dawood vol 2 pg.323)

(Kanzul Ummal vol 4 pg.29)

19.  Hibban bin Munqadh bin Umro Ansari ya unke walid Munqadh ne RasoolAllah sallallahu alihi wasallam se yeh kaha ki unhein zyadatar saude aise milte hain ki unhein un cheezon ki qeemat zyada deni padhti hai jo wo khareedte hain.To aap sallallahu alihi wasallam ne unke liye yeh naya qanoon banaya ke wo bechne walon ko yeh kahe ki RasoolAllah sallallahu alihi wasallam ne unhein iski ijazat di hui hai ki wo sauda tay hone ke 3 din baad tak isey radd kar sakte hain.

(Sahih Muslim vol 2 pg.7)

20.  ‘Asr ke baad koi namaz nahin

(Sahih Bukharri vol 3 h.no.215)

lekin ‘ulema (Imam suyuti and Imam zarqani in Sharah mawahib) likhte hain ki RasoolAllah sallallahu alihi wasallam ne apni biwi Aisha ko is ke upar amal na karne ki ijazat di.

(Sahi Bukhari vol 3. H.no.325)

21.  RasoolAllah sallallahu alihi wasallam apne behen(cousin) Daba’a bint Zubair ibn Abdul Muttalib se kaha ki wo hajj ke liye tayyari karein.To unhone kaha ki ,unhein darr hai ki unki beemari unhein Hajj ke saare faraiz ada karne se rokey.RasoolAllah sallallahu alihi wasallam ne unhein tayyari karne ke liye kaha aur yeh niyyat karne ke liye bhi kaha ki,Ya allah tum jahan kahin bhi mujhe rokoge mai ihram se bahar aaongi.

(Tabarani Fil Kabeer vol 24. Pg.332-337)

Sunan Nasaai me hai ki RasoolAllah sallallahu alihi wasallam kehte hain ki tumhare liye chhut ko Allah ne kubool farmaya.Ulema likhte hain ki yeh ijazat Khalid unke liye thi ,yeh dusron ke liye jayaz nahin.

22.  RasoolAllah sallallahu alihiwasallm ne ek aadmi ko Islam me dakhil hone ki ijazat di jab ke usne kaha ki wo 5 waqt ki namazon me se sirf 2 waqt ki namaz ada karega.

(Musnad Ahmed vol 5 pg.25)
Imam Suyuti ne apne al-Mawdhuj al-Labeeb fi Khasais al-Habeeb me aise hi aur 9 waqiye bayan kiye hain

23.  Khuzaima, wo shaks the jinki gawahi ko Rasoolallah ne 2 gawahon ke barabar qaraar diya tha, unhone kaha ki  Rasoolallah (sallallahu 'alaihi wasallam) ne Chamde ke mozon par masah karna musafireen ke liye 3 dinon tak jaez kiya hai lekin Lekin agar saayil ne isse zyada ki kabhi mang ki to Rasoolallah (sallallahu 'alaihi wasallam) ne isey badhakar 5 dinon tak kar diya.

(Abu Dawood vol 1. Pg.21)

(Ibn Majah Pg.42)

(Tabarani fil Kabeer vol 1 pg.92)

(Sunan Baihaqi vol 1 pg.227)

(Hameedi fil Musnad vol 1. Pg.207)

(Musannaf Abdur Razzaq vol 1 Pg.203)

24.  RasoolAllah sallallahu alihi wasallam ne kaha ki agar mai her namaz ke liye miswaak fard kar deta to meri ummat ke liye bahut mushkil ho jata.

(Sahih Bukhari vol 3. Pg.23 H.no.154)

(Sahih Muslim vol 1 pg.128)

(Nasai vol 1. Pg.63)

(Ibn Majah Pg.28)

(Muatta Imam Malik pg.50)

(Musnad Ahmed vol 2. Pg.211)

25.  RasoolAllah sallallahu alihi wasallam ne farmaya ke agar meri ummat ke liye yeh mushkil nahi hota to mai her namaz ke liye unpe miswak aur itr fard kar deta .

(Abu Naeem fi Kitab as Siwaak)

Yeh saare 25 waqiye bayan karte hain ki Rasoolallah sallallahu alihi wasallam ko Allah ne yeh haq diya hua hai ki aap shariath ke qanoon ko badal sakein.Yeh sirf itna sabit nahin karta ki aap sallallahu alihi wasallam ko itna haq hai ki aap shariath ke qanoon ko badal sakein magar yeh bhi ke aap jo chahte usko halaal ya haram sakte they

26.  RasoolAllah sallallahu alihi wasallam ne apne sahabiyon se yeh pucha ki batao tum zina ke bare me kya kehte ho ,to sahabiyon ne kaha ke yeh haram hai kyunki Allah aur uske Rasool ne isko haram kaha hai qayamat tak.

(Musbad Ahmed vol 6 Pg.8)

(Tabarani Fil Kabeer vol 20 pg.211)

27.  RasoolAllah sallallahu alihi wasallam ne kaha ki maine yateemon aur aurton ke huqooq ko chheen na haram kaha hai.

(Hakim fil Mustadrak vol 1 pg.63)

(Kanzul Ummal vol 3. Pg.169)

28.  Jabir bin Abdullah kehte hain ki Rasoolallah sallallahu alihi wasallam ne kaha ki Allah aur uske Rasool ne sharab,mare hue janwar,suar aur buton ki ibadat karna haram thehraya hai.

(Bukhari vol 3 H.no.438)

(Sahih Muslim vol 1 Pg.31)

29.  Rasoolallah sallallahu alihi wasallam ne kaha ki nasheeli cheezon ko mat piya karo jab ke maine saare nasheeli cheezon ko haram thehraya hai.

(Nasai vol 2 Pg.323)

(Kanzul Ummal vol 5. Pg.343)

30.  Jo kuch bhi RasoolAllah sallallahu alihiwasallam ne haram kaha hai wo sub goya Allah ke taraf se bhi haram hain.

(Tirmizi vol 2. Pg.95)

(Abu Dawood vol 2 Pg.276)

(Ibn Majah pg.3)

(Musnad Ahmed vol 4. Pg.132)

(Darmi vol 1 pg.53)

31.  Imam Zarqani likhte hain ki RasoolAllah ko shariyat kehna isliye hai ki RasoolAllah sallallahu alihi wasallam ne islam ke qanoon banayein.

( Zarqani ‘ala al-Mawahib, vol. 4, p.196)

Aakhir me is na inkar karne layak saboot ke saath Allah ,benayaz apne mehboob ke bare me kehta hai ke ,jo kuch Rasool dein wo lo aur jisse wo mana karen ussey door raho
(Al-Qur’an, Surah al-Hashr, verse 19)

.

.

.

ALLLAH TA’AALA se dua hai ki hum sabko apne Pyare Aaqa sallallaho alaihe wasallam ki khub khub ta’zeem aur tauqeer karne ki taufiq ata farmaye.

Aameen bin Nabiyyil Ummiyyi sallallaho alaihe wasallam.

.

Posted by: Irfan Barkaati The Power of Ashiqe Rasool