Qadiyaniyon ke Aqaid | Qadiyaniyon ki wo Baaaten jo aap nahi jante honge.

Qadianiyon ke Aqaid

 

Mirza Ghulam Ahmad Qadiyani ek Shakhs tha jo Punjabme paida hua aur baad me isne Nabuwwat ka daawa kiya yani Khud ko Nabi kaha aur Islam se kharij ho gaya. Yun isne ek naye Firqe ki buniyad rakhi aur iske manne wale sabhi logon ka ye buniyadi Aqeeda hota hai ki wo isko Nabi mante hain. Is wajah se wo sabhi log Islam se kharij hain. Lekin Aisa nahi ki Mirza Ghulam Ahmad Qadiyani ka bas yehi ek Kufr hai balki Isne apni kitab me bahot sare Kufriyat likhe hue hain. Aaiye ab ham apke samne khud usi ki Kitab se dalail pesh karte hain.

Ruhani Khazain Ye Mirza Ghulam Ahmad Qadiyani ki tamam Kitabon ka Majmua (Collection) hai. To Ham apke samne In sha ALLAH isi Kitab se uske Aqaid apko batate hain jo kuch usne khud apne Qalam se likhe hain.

Sabse pehle aap Mirza aur Iske baap Dada Angrezon k pakke wafadar the.

Mirza Ghulam Ahmad Qadiyani Ruhani Khazain J-13 Pg.4 par likhta hai:

"Main ek aise Khandan se hun jo Angrezon ka pakka Khair khwah hai, Mera walid Mirza Ghulam Murtaza Govt ki nazar me ek wafadar aur khair khwah admi tha jinko Darbar-e-Governari me Kursi milti thi, aur jinka Zikr Mr. Griffin Sahab ki Tareekh-e-Raeesan Punjab me hai aur 1857 me unhone apni Taqat se badh kar Sarkar Angrezi ko madad di thi yani 50 Sawar aur ghode pahuncha kar ain zamana-e-Ghadr ke waqt Sarkar angrezi ki Imdad me diye the."

 

Scan Page 

 

 

Yani Jab pure Barre sagheer ke Musalman Azadi ke liye angrezon k khilaf lad rahe the tab Mirza ke Baap Angrezon ki madad kar rahe the. Yani Mirza ke Baap Musalmano ke khilaf aur Kuffar ki HImayat me the.

 

Dusri Jagah Ruhani Khazain 13/487-487 par likhta hai.

"Ye Aajiz Govt ke us Qadeem Khair Khwah Khandan se hai Jiski Khair Khwahi ka Govt ke Aali Martaba Hukkam ne aitraf kiya hai aur apni chitthiyon se Gawahi di hai ki wo Khandan Ibtedai Alam-daari se aaj tak Khair Khwahi-e-Govt Aaliya me barabar sar-garm raha hai. Mere walid Marhoom Mirza Ghulam Murtaza Is Mohsin Govt ke aise Mashhur Khair Khwah aur aise dili Jaan-nisar the ki wo Hukkam jo Unke waqt me is Ziley me aaye sab ke sab is baat ke gawah hain ki Unhone mere walid mausuf ko zarurat ke waqton me Govt ki khidmat karne me kaisa paaya, Aur is baat ka bayan karne ki zarurat nahi ki unhone 1857 ki ladai ke waqt apni thodi si haisiyat ke sath 50 Ghode aur sawar is Mohsin Govt ko madad k liye diye the"

 

Scan Page

 

1.                Mujaddidiyat ka Daawa kiya

 

Ruhani Khazain Jild 22 Pg.201 par likhta hai.

“Wo Maseeh Mau’ood jo Akhri Zamane ka Mujaddid hoga wo main hi hun”

 

Scan Page

 

Yahan to isne Mujaddid hone ka daawa kiya lekin baat sirf yahin tak nahi ruki.

 

2.                Imam Mahdi hone ka Daawa kiya

 

Ruhani Khazain J-20, Pg.3-4 par likhta hai.

Mirza Kazzab Qadiyani Ka daawa ki wo Khud hi Maseeh (Hazrat Eisa alaihis salam) aur Mahdi (Imam Mahdi radiAllaho Anhu) hai.

 

Scan Page

 

Yani bahot lambi Jump laga diya. Jabki Hadeeson se sabit hai Imam Mahdi Hazrat Fatima ki aulad se honge yani Syed honge. Jabki Mirza Qadiyani Syed family se nahi tha.

 

 3.                Eisa alaihis salam hone ka daawa kiya

 

Ruhani Khazain J-3 Pg.122 par likhta hai

"Khuda Ta'ala ki taraf se jo Amr mere pe Munkashif hua hai wo hai ki Maseeh (Eisa) main hi hun."

 

Scan Page

 

Yani khud ko ek Nabi bata diya jo ki Hazrat Eisa alaihis salam hain.

Jabki pehle ye Khuda manta tha ki Eisa alaihis salam aayenge aur unse Deen ka kaam hoga. Khud uski Kitab se suniye

 

Pehle ye Hazrat Eisa alaihis salam ka Nuzul manta tha

 

Ruhani Khazain J-1 Pg.593 par likhta hai.

"Jab Hazrat Maseeh (Eisa) alaihis salam Dobara is Duniya me tashrif layenge to unke hath se Deen-e-Islam Jamee Afaq aur Aqtaar me Phail Jayega.

 

Scan Page

 

Yani pehle shuru me to manta tha ki Hazrat Eisa alaihis salam tashrif laayenge aur Deen ki khidmat karenge lekin baad me khud hi isne daawa kar diya ki Eisa alaihis salam ka wisal ho chuka hai ab wo kabhi wapas nahi aayenge. Jabki Hadees-e-Mutawatira se sabit hai ki Hazrat Eisa alaihis salam dobara tashrif laayenge.

Magar Jisko Shaitan Gumrah kar de uske sath aisa hi hota hai.

 

4.                Nabi hone ka Daawa kiya

 

Ruhani Khazain 18/231 par likhta hai.

"Saccha Khuda Wohi Khuda hai Jisne Qadiyan me apna Rasool bheja. "

 

Scan Page

 

Yani isne khud ko Nabi kaha kyunki iski paidaish Qadiyan me hui thi.

 

 

5.                Tamam Anbiya ke barabar hone ka daawa kiya

 

Ruhani Khazain 22/76 par likhta hai.

"Main Adam hun, Main Shees hun, main Nooh hun, main Ibrahim hun, main Ishaq hun, main Ismaeel hun, main Yaqub hun, main Yusuf hun, main Musa hun, main Dawood hun, main Eisa hun aur Hazrat Muhammad ﷺ ke naam ka main Mazhar-e-atam hun. Yani Zilli taur pe Muhammad wa Ahmad hun."

 

Scan Page

 

Yani Phir isne khud ko tamam Nabiyon ke barabar bata diya ki ye khud akela hi sare Nabiyon ke barabar hai.

 

 

6.                Mirza khud Manta tha ki jo Nabuwwat ka daawa kare wo kafir hai

 

Pehle Khud isne fatwa diya tha ki jo Nabuwwat ka daawa kare wo kafir hai. Aur phir Khud Nabuwwat ka daawa karke khud apne hi fatwe se kafir ho gaya.

Apne Majmua Ishteharat J-1 Pg.230-231 me kehta hai:

"Main Syeduna wa Maulana Hazrat Muhammad Mustafa Sallallaho alaihi wasallam Khatmul Mursaleen ke baad dusre kisi Muddayi-e-Nabuwwat wa Risalat ko Kazib (jhuta) aur kafir janta hun. Mera Yaqin hai ki Wahee Risalat-e-Hazrat Adam alaihis salam se shuru hui aur Janab RasoolULLAH sallallahu alaihi wasallam par Khatm ho gayi"

 

Scan Page

 

Dusri jagah Ruhani Khazain Jild 4 Pg.313, Asmani Faisla Pg.7 par likhta hai.

"Main koi Nabuwwat ka Daawa karne wala nahi balki aise daawa karne wale ko Islam se kharij manta hun."

 

Scan Page

 

Yani Pehle Mirza Qadiyani khud kehta tha ki jo Nabuwwat ka daawa kare usko main Kafir manta hun. Aur baad me khud Nabuwwat ka daawa karke khud apne Fatwe se bhi kafir ho gaya.

 

 

7.                Khud ko Krishna kaha

 

Ruhani Khazain J-22 Pg.521

"Jaisa ki Aarya Qaum ke log Krishna ke Zuhur ka in dino me intezar karte hain wo Krishna main hi hun"

 

Scan Page

 

Ajib Haal hai ki kabhi kuch ban jata hai aur kabhi kuch.

 

8.                Khuda hone ka daawa kiya

 

Ruhani Khazain 5/564 par likhta hai

"Maine apne ek Kashf me dekha ki Main Khud Khuda hun, aur Yaqin kiya ki main wohi hun aur mera apna koi Irada, koi khayal aur koi amal na raha.

 

Scan Page

 

Yani Apne daawon me taraqqi karte karte isne akhir me Khud ko Khuda bhi keh daala.

Tamam Qadiyani aayen aur ankhen khol kar zehen khol kar Mirza Qadiyani ke Kufriyat ko padhen aur abhi waqt hai marne se pehle Tauba kar len kahin phir der na ho Jaye.

 

9.                Apne Ilham ko Quran ke barabar kehta tha

 

Ruhani Khazain 22/220 par likhta hai.

"Magar main Khuda ki Qasam kha kar kehta hun ki main in Ilhamat par usi tarah Eiman laata hun jaisa ki Quran sharif par aur Khuda ki dusri kitabon par aur Jis tarah main Quran ko Yaqini aur Qatayi taur pe Khuda ka Kalam janta hun usi tarah Is Kalaam ko bhi jo mujh pe nazil hota hai"

 

Scan Page

 

Yani Jis tarah Quran ki kisi Ayat me kisi shak ki koi Gunjaish nahi hai usi tarah Mirza Qadiyani apni in Bakwas ko bhi Quran ke barabar kehta hai ki isme bhi Shak ki koi Gunjaish nahi.

 

10.           Khud ko Khuda ka beta kaha maazAllah (MaazAllah)

Dusri Jagah Ruhani Khazain J-17 Pg.452 par likhta hai:

"Tu mere liye meri Aulad ke jaisa hai"

 

Scan Page

 

Balki isne Yahudo aur Nasraniyon ko bhi piche chhod diya.

 

11.           Khud ko Khuda ke nutfe se paida hone wala kaha (maazAllah)

 

Mirza likhta hai ki Isko ALLAH ne Ilham ke zariye farmaya:

Ruhani Khazain J-17 Pg.71, 423 par likhta hai

"Tu mere paani/nutfe/Sperm se hai"

 

Scan Page

 

Astaghfirullah! Koi Eiman wala shakhs ALLAH ke bare me aisa ghuman bhi nahi kar sakta. Yani Jis tarah Mard apni Biwi se milta hai to uska nutfa biwi ke Jism me dakhil hota hai phir us Nutfe se ek aulad paida hoti hai. To Mirza Qadiyani khud ko ALLAH ke nutfe se batata hai yani ye ALLAH ke liye Nutfa bhi manta hai. Astaghfirullah!

 

12.           Eisa alaihis salam ki tauheen ki

 

Ruhani Khazain J-11 Pg.289 par likhta hai:

“Apko Gaaliyan dene ki adat thi aur Apko bahot zyada Jhut bolne ki bhi adat thi”

   

Isi page par mazid likhta hai:

“Apki Aqal bahot moti thi aur Aap Jahil Aurton aur awam ki tarah Mirgi ko bimari nahi samajhte the balki Jinn aur Aseb samajhte the”

 

Scan Page 

 13.           Hazrat Eisa alaihis salam ke Mojize ka bhi Inkar kiya.

 

Ruhani Khazain 3/263 par likhta hai:

"Ye Etiqad bilkul ghalat aur mushrikana hai ki Eisa alaihis salam mitti ke parinde bana kar unme phunk maar kar unhe sachmuch ka janwar bana dete the.... Beherhal ye Mojiza sirf ek khel ki Qism me se tha aur mitti haqiqat me mitti hi rehti thi jaise Samri ka Gosala."

 

Scan Page

 

 

14.           Hazrat Mariyam alaihas salam ki tauheen ki

Ruhani Khazain 19/18 par likhta hai.

"Hazrat Mariyam ne Hamal ki wajah se Majbur hokar Yusuf Najjar se Nikah kar liya, Jabki uski pehle se ek Biwi maujud thi"

 

Scan Page

 

Jabki Quran Shahid hai ki Hazrat Mariyam ne kabhi Kisi se Nikah nahi kiya aur Hadees me hai ki Hazrat Mariyam ka Nikah Jannat me Hamare Aaqa  ﷺ Kareem  se kiya jayega.

 

15.           Nabi Kareem ﷺ ki tauheen ki

Ruhani Khazain 17/205 par likhta hai.

"ALLAH ne ane Nabi ﷺ ko Chhupane ke liye ek Zaleel Jagah tajweez ki"

 

Scan Page

 

 

16.           ALLAH Khud Aayega 

 

Dusri Jagah Ruhani Khazain J-19 Pg.76 par likhta hai

“Ab Khuda Khud hi Nazil hoga aur un logon se ladega jo sacchai se ladte hain”

 

Scan Page

 

To Ab Mirza Khud hi bataye ki ALLAH kab aur kahan aur kaise nazil hoga? Kyunki Musalman to ALLAH ko aane jane chalne phirne se paak mante hain.

 

 

17.            Ek Aam Insan bhi Nabi ﷺ se aage badh sakta hai

Al Fazl al Qadiyan 17 July 1922 par likhta hai.

"Har Shakhs taraqqi kar sakta hai aur Muhammad ﷺ se bhi aage badh sakta hai"

 

Scan Page

Ab Iske alawa ALLAH ke bare me Mirza Qadiyani ka ek aur ganda Aqeeda padhen:

 

To ye wo aise Kufriyat hain Mirza Ghulam Ahmad Qadiyani ke ki koi bhi Musalman inke Kufr hone me shak nahi kar sakta. Aur Kuch to aise Kufr hain ki Pehle Khud Mirza Ghulam Ahmad Qadiyani bhi un Aqaid ko kufr manta tha. Lekin baad me Shaitan Ghalib aa gaya aur Mirza Khud apne fatwe se kafir ho gaya.