Imam Bukhari aur Taqleed:
Imam Bukhari bhi apne Bade Imamo ke Aqwal ko masail me dalil banate hain. Puri Bukhari me aisi misalen bhari hui hain jahan aksar jagah unhone Imam Shafayi ke qaul ko dalil banaya hai aur kahin Imam Malik ke qaul se Hadees ka mafhum liya hai. Yahan Sahih Bukhari se uski kuch Misalen pesh hain:
1. Sahaba ke daur me bhi Ahle Madina ne Hazrat Ibn Abbas ke fatwe ko manne
se inkar kar diya kyunki wo Hazrat Zaid bin Sabit ke fatwon par amal karte the.
(Sahih
Bukhari H.no.1639)
Halaki har
Sahabi Hidayat par hai. Lekin kisi ek ke hi Fatwe par chalna ye Taqleed ka
subut hai aur ye Bukhari se sabit hai.
Jaise ham
kehte hain charon Imam Haq par hain lekin ham baqi 3 ke fatwon par amal nahi
karte.
2. Ek sawal man me aa raha tha socha ki Ahlehadees (Ghair Muqallideen) se puch
lu. Imam Bukhari, Imam Malik ki tashrih kyun le rahe hain?
(Bukhari
Baab 1359)
Kisi
Hadees ko kisi Imam ke fehem se samajhna kya Taqleed nahi hai?
Scan Page: 
3. Imam Bukhari Aksar Masail me Hasan Basri ka Qaul dekhte hain. Taqleed ko
shirk kehne walon, Himmat hai to Lagao Fatwa
(Bukhari
Kitabul Hiba Baab Iza Wahaba Hibatan Baab no.18/1624)
Scan Page: 
4.
Imam Bukhari aur Aimma ke Aqwal se dalil,
Hasan Basri ka Qaul lena.
(Bukhari Kitabush Shahadat Baab Shahadatul Mukhtabi Baab no.1646)
Scan Page: 
5. Imam Bukhari ka sahih Bukhari me Aimma ke Aqwal jama karna.
(Bukhari
Kitabush Shahadat Baab Shahadatul Qazif Baab no.1651)
.
Taqleed ko
Shirk kehne walon Ankhen kholkar padho aur Jawab do Itne Imamo ke Qaul Imam
Bukhari kyun dikha rahe hain? Wo kya sabit karna chahte hain?
Imam ke
qaul par chalna agar bidat hai to Sahi Bukhari bidat ki taleem kyun de rahi
hai?
Scan Page: 
6. Sahih Bukhari me Aimma ke Aqwal naqal karna.
(Sahih
Bukhari Kitabush Shuroot Baab Shuroot fit Talaq Baab No.1699)
Kya waqayi
Imamo ki Taqleed shirk hai?
Scan Page:
7. Ahlehadees plz Jawab den:
Imam
Bukhari aksar Masail me Hasan Basri ka Maslak kyun ikhtiyar karte hain?
(Bukhari
Baab 1426)
Kya wo bhi
Taqleed karte the
Ham Imame
Azam ka qaul len to Taqleed shirk? aur Imam Bukhari Hasan Basri ka qaul len to
Jaiz?
Scan Page: 
8. Sahih Bukhari aur Imam ka Qaul.
(Sahih
Bukhari Jild 2 Baab 164)
Scan Page:
9. Sahih
Bukhari aur Imam ka Qaul.
(Sahih
Bukhari J.2 Pg.225)
Scan
Page: 
10.Sahih
Bukhari aur Imam ka Qaul
(Sahih Bukhari J-2 Kitabut Tafseer Baab Qaulihi Ayyaman, Raqam 583)
Scan Page:
11.Sahih
Bukhari aur Imam ka Qaul
(Sahih
Bukhari J-3 Kitabut Talaq Baab Man Qaala)
Scan Page:
12.Sahih
Bukhari aur Imam ka Qaul
(Sahih Bukhari Kitabun Nikah H.no.5105)
Scan Page:
13.Sahih
Bukhari aur Imam ka Qaul
(Sahih
Bukhari Kitabut Talaq Baab Mahril Baghiyye)
Scan
Page:
14.Sahih
Bukhari aur Imam ka qaul
(Kitabul
Ehkam Baab Mataa Yastujibo)
Scan
Page:
15.Nabi
Kareem Sallallaho Alaihe Wasallam ne apne Baad Ummat ko Hazrat Abu Bakr Siddiq
radiAllaho Anhu ka rasta dikhaya hai.
(Sahih
Bukhari J-3 Kitabul Ehkam Babul Istikhlaf H.no.2083)
.
Isse
pata chalta hai ki Nabi Kareem Sallallaho Alaihe Wasallam ke baad Hazrat Abu
Bakr radiAllaho Anhu hi sabse pehle Khilafat ke mustahiq the.
ALLAH
unke sadqe hame Deen-e-Islam par sabit qadmi ataa farmaye.
Scan
Page:
16.Kisi Jaiz kaam ke liye din Muqarrar karna aur Imam Bukhari ki gawahi.
To Sabit hua ki Islam me kisi Jaiz kaam ke liye din fix karna jaiz hai. To is tarah jab Eisale Sawab Jaiz hai o uske liye din fix karna yani teeja, chaliswa, 11wi, Urs sab kuch Jaiz hai.
17.Wahabiyon ka
kehna hai ki Qabr (Mazar) ke paas Masjid banana jaiz nahi, Jabki Bukhari ki
Hadees me bhi Qabr ke paas Masjid ka hona sabit hai jahan Nabi Kareem
Sallallaho Alaihe Wasallam ne khud Namaz padhi aur apke baad apke sahaba ne bhi
padhi hai.
(Sahih
Bukhari H.No.465)
Scan Page:
18.Nabi Kareem Sallallaho Alaihe Wasallam ka wisal bhi peer (Monday) ke din hua hai. (Sahih Bukhari, Kitabul Azan, Baab Ahlul Ilm H.No.644)
Scan Page:
19.Imam Bukhari ki Gawahi:
Nabi
Kareem Sallallaho Alaihe Wasallam ki Umr ke akhri amal ko follow kiya Jayega.
(Bukhari
Kitabul Azan H.No.652)
Scan Page:
20.Ghair Muqallideen se ek sawal hai
Yahan Nabi
Kareem Sallallaho Alaihe Wasallam ek shaks ko Namaz sikha rahe hain, (Sahih
Bukhari H.No.754)
Lekin puri
Namaz me kahin bhi usey Rafayadain kyun nahi sikhaya ????
Kya ye
zaruri nahi tha ya is waqt tak mansukh ho gaya tha?
Scan Page: 
Sahih Bukhari me Zaeef Hadees:
21.Imam Bukhari khud Sahih Bukhari me riwayat naqal karte hain aur phir khud
ye kehte hain ki ye riwayat Sahih nahi.
(Sahih
Bukhari, Kitabus Salat Baab 547)
Ghair
Muqallideen se mera sawal hai ki jab ye riwayat Sahih nahi to usko *Sahih
Bukhari* me likhne ka matlab kya hai?
Ya phir
aap ye mante ho ki Sahih Bukhari me bhi Zaeef riwayat hoti hain?
Ya phir ye
mante ho ki لا
صحيح ya لم يصح
se Hadees zaeef nahi hoti? Beherhal apke Jawab dono me se koi b hon, hame to ab
apse sunna hai.
Note: ye dusri aisi
Riwayat Maine Sahih Bukhari se pesh ki hai jisko Khud Imam Bukhari ne sahih na
hona likha hai.
Scan Page:
22.Imam
Bukhari ne Sahih Bukhari me ek riwayat naqal ki phir khud hi likh diya ki is
riwayat ke sahi hone me logon ka Ikhtilaf hai.
(Sahih
Bukhari J-3 Kitabul Faraiz Baab Iza Aslama)
.
Ab Sawal
ye hai ki Imam Bukhari ne "Sahih Bukhari" me aisi riwayat kyun naqal
ki jiske sahi hone ka Yaqin khud Imam Bukhari ko bhi nahi hai?
Scan
Page: 
23.Sahih
Bukhari aur Zaeef Hadees
Imam
Bukhari ne Sahih me ek Hadees Baab ke tehet yun zikr ki
وَيُذْكَرُ
أَنَّ النَّبِيَّ صَلَّى اللَّهُ عَلَيْهِ وَسَلَّمَ قَضَى بِالدَّيْنِ قَبْلَ
الْوَصِيَّةِ، وَقَوْلُهُ : { إِنَّ اللَّهَ يَأْمُرُكُمْ أَنْ تُؤَدُّوا
الْأَمَانَاتِ إِلَى أَهْلِهَا }. فَأَدَاءُ الْأَمَانَةِ أَحَقُّ مِنْ تَطَوُّعِ
الْوَصِيَّةِ. وَقَالَ النَّبِيُّ صَلَّى اللَّهُ عَلَيْهِ وَسَلَّمَ : " لَا
صَدَقَةَ إِلَّا عَنْ ظَهْرِ غِنًى ". وَقَالَ ابْنُ عَبَّاسٍ : لَا يُوصِي
الْعَبْدُ إِلَّا بِإِذْنِ أَهْلِهِ. وَقَالَ النَّبِيُّ صَلَّى اللَّهُ عَلَيْهِ
وَسَلَّمَ : " الْعَبْدُ رَاعٍ فِي مَالِ سَيِّدِهِ ".
Tarjama:
Aur Mazkur hai ki Beshak Nabi Kareem Sallallaho Alaihe Wasallam ne hukm diya
hai ki Wasiyat par amal karne se pehle Qarz ada karo"
"Sadqa
maaldar hone ki Halat me hai"
(Sahih
Bukhari Kitabul Wasaya Baab Taaweel)
Koi
Ghair Muqallid zara is Hadees ko Sahih sanad ke sath sabit kar dega plz?
Kyunki
unka daawa hai ki Sahih Bukhari me koi Hadees Zaeef nahi hai.
Scan
Page:
24.Imam
Bukhari ne Sahih Bukhari me aisi sanad bhi Naqal ki hai jisme Rawi ka Sima hi
Sahabi se sabit nahi hai aur ye Jirah khud Imam Bukhari ne lagayi hai.
(Sahih
Bukhari Kitabun Nikah H.no.5105)
.
Koi
Ghair Muqallid hai kya Jawab dene wala jo Bukhari ki har sanad par ankh band
karke yaqin rakhne ka daawa karte hain.
Scan
Page: 
25.Imam
Bukhari ne Sahih Bukhari me aise Rawiyon se bhi Sahaba ke Aqwal liye hain jinko
Khud Imam Bukhari Ghair Maroof (Majhul) kehte hain.
(Sahih
Bukhari Kitabun Nikah H.no.5105)
.
Lo Bhai
Bukhari ko ankh band karke manne walon. Jawab do ki Imam Bukhari ne aise rawi
se Qaul kyun naqal kiya?
Ab koi
ye na kahe ki Imam Bukhari ke paas iski dusri Sanad bhi hogi kyunki Imam
Bukhari ne khud aage likh diya hai ki kisi ne bhi iski Mutabeat nahi ki.
Scan
Page:
26.Imam Bukhari ek Qaul naqal karte hain phir kehte hain "Ye Sahih
nahi"
(Bukhari
Baab 1631)
.
Jab Sahih
nahi to Imam Bukhari usko Sahih Bukhari me shamil hi kyun karte hain?
.
Koi
Ahlehadees iska Jawab de.
Scan Page: 
27. Jab Maa Awaz de aur Ladka Nafil Ibadaton me laga ho to usey pehle Maa ki
baat sunni chahiye.
Aur ALLAH
apne Waliyon ko karamat bhi ata farmata hai.
(Bukhari Baab
763 H.no.1127)
Scan Page:
28. Murde
wazeh taur pe (clearly) zindon ki awazen sunte hain. Nabi Kareem Sallallaho
Alaihe Wasallam ki gawahi.
(Sahih
Bukhari H.no.1279)
Jo
kehte hain Murde sun nahi sakte wo apni Islah karen.
Scan Page:
29.Imam Bukhari ka bhi Aqida hai ki Murde bhi sunte hain. Iske liye unhone
baqaida ek Baab likha hai. Aur phie Bukhari me iski Hadees bhi naqal ki hai.
(Sahih
Bukhari H.no.1251)
Phir bhi
Naam Nihad Ahlehadees kehte hain ki murde sun nahi sakte.
Scan Page:
30.Qabr ko Unchi
Banane ki Dalil Bukhari se,
Nabi
Kareem Sallallaho Alaihe Wasallam ki Qabr Kohan jaisi thi.
(Bukhari
Kitabul Janaiz H.no.1301)
Scan Page: 
Note: Kohan Oont ki peeth ko kehte hain jo ki unchi uthi hui hoti hai.
31.Ahlehadees kehte
hain ki Najd Iraq ko kehte hain, Riyadh ko nahi. Ab unse mera sawal hai ki agar
Najd Iraq ko hi kehte hain to Bukhari me Ahle Najd ka Meeqat alag (H.No.1430)
aur Ahle Iraq ka Meeqat alag (H.No.1433) kyun likha hua hai? Aur Dono ke Meeqat
mukhtalif hain.
(Sahih
Bukhari)
Scan Page: 
Agar Najd hi Iraq hota to Iraq aur Najd ke miqat alag alag na hote.
32.Ambiya Haqiqi Hayat ke sath zinda hain:
Nabi
Kareem Sallallaho Alaihe Wasallam ne farmaya: Goya main Musa ko dekh raha hun
wo Waadi me utarte hain to Labbaik keh rahe hain.
(Sahih
Bukhari H.no.1454)
.
Nabi
Kareem Sallallaho Alaihe Wasallam ka Musa alaihis salam ko Hajj ke liye aate
dekhna unke zinda chalne phirne ki dalil hai. Phir is Hadees ki Sharah me Ibn
Hajar Asqalani likhte hain.
كأني أنظر " على أوجه
: الأول : هو على
الحقيقة والأنبياء أحياء عند ربهم يرزقون فلا مانع أن يحجوا في هذا الحال كما ثبت
[ ص: 485 ] في صحيح مسلم من حديث أنس : أنه صلى الله عليه وسلم رأى موسى قائما في
قبره يصلي
Ye Haqiqat
ho sakta hai kyunki Ambiya apne Rab ke nazdik zinda hain aur Rizq diye jate
hain. Aur unhe koi chiz Hajj karne aane se nahi rokti. Jaisa ki Muslim ki
Hadees se sabit hai Nabi Kareem Sallallaho Alaihe Wasallam ne Musa alaihis
salam ko unki qabr me Namaz padhte hue dekha.
(Fathul
Bari Sharah Sahih Bukhari Pg.485)
.
Yani
Muhaddiseen ka bhi ye Aqida hai ki Ambiya haqiqi Hayat ke sath zinda hain aur
jahan chahen ja sakte hain isliye Musa alaihis salam ka Hajj karne aana ye
Haqiqat par bhi mabni ho sakta hai.
Scan Page: 
33.Nabi Kareem Sallallaho Alaihe Wasallam apne mimber pe khade hokar hi Jung
ka maujuda (live) haal bayan farma rahe the ki kab kiske hath me Jhanda hai
phir kisne liya aur phir kiske zariye fateh hasil hui.
(Bukhari
Kitabul Jihad H.no.65)
Kya ye
Ilme Ghaib nahi hai?
Scan Page: 
34.Hazrat Umme Kulsum binte Hazrat Ali ka Hazrat Umar Farooq radiAllaho Anhu
se Nikah
(Bukhari
J-2 Kitabul Jihad Hamalin Nisa H.no.144)
Scan Page: 
Imam Bukhari aur Ghayeb ka Waseela lena:
35.Ghair Hazir (Ghaib ka waseela) Bukhari se sabit hai.
.
Nabi
Kareem Sallallaho Alaihe Wasallam ne farmaya: Yaad rakho tumhare kamzor logon
ke sabab tumhari madad ki jati hai aur tumhe rozi di jati hai.
(Bukhari
J-2 Kitabul Jihad, Baab Manis Ta'aan H.no.157)
.
Ghair
Muqallideen ke liye Ghair Hazir aur Murda dono ek hukm me aate hain.
Ab sawal
ye hy ki Kamzor logon ke sabab (waseele se) rozi di jati hai, aur rozi ek din
ka mamla nahi har din ka mamla hai. Aur har din koi kamzor apke pas Hazir nahi
hota.
To sabit
hua ki Ghair Hazir ka Waseela bhi jaiz hy.
Scan Page: 
36.Is
Hadees me Nabi Kareem Sallallaho Alaihe Wasallam ne ek Jamat ka zikr farmaya
hai ki wo Logon ko Jahannam ki taraf bulayegi (yani Gumrah karegi) aur farmaya
wo hamari hi qaum me se honge (yani bazahir Musalman honge) Hamari hi boli me
Guftgu karenge (Yani Quran wa Hadees ki baat karenge)
(Sahih
Bukhari Kitabul Ambiya J-2 H.no.812)
Ye
Nishani Puri Puri Wahabiyon par sadiq aati hain. Isliye yaad rakhen Achha nazar
aane wala har shakhs acha nahi hota. Wo apko Jahannam ki taraf bulane wala bhi
ho sakta hai.
Scan
Page:
37.Wahabiyon
ki Clear Nishani Hadees me maujud hain.
(Sahih
Bukhari Kitabul Ambiya J-2 H.no.815)
Scan
Page:
38.Hazrat
Usman Ghani radiAllaho Anhu ke hath par bait karne wale 2nd Shakhs hi hain
Mawla Ali radiAllaho Anhu.
(Sahih
Bukhari Kitabul Manaqib J-2 Bab Qissatul Baiy H.no.897)
to phir
Shiyon ko Problem kya hai jab Mawla Ali ne khud shuruat me hi bait karke Haq ko
sabit kiya hai? Kya Mawla Ali kisi galat hath me ya Haq ke khilaf bait kar
sakte hain?
Scan
Page: 
39.Itna
Asan nahi tha Nabi Kareem Sallallaho Alaihe Wasallam se sunkar Hadeesen mehfuz
karna aur ham Ummatiyon tak pahunchana.
Hazrat
Abu Huraira radiAllaho Anhu ka dil dehlane wala bayan sunen.
(Bukhari
Kitabul Manaqib J-2 BaabManaqib Jafar H.no.905)
Aaj
Hame to bas Aram se Kitabon me aur Software me likhi Hadees mil jati hai wo bhi
hamse nahi Yaad ki jati.
Scan
Page: 
40.Jinnaton
ne apne Rizq ki chiz Nabi Kareem Sallallaho Alaihe Wasallam se Talab ki. Aur
Nabi Kareem Sallallaho Alaihe Wasallam ne usey pura farma diya, Qayamat tak
unke khane ka intezam farma diya.
(Sahih
Bukhari J-2 Kitabul Manaqib H.o.1042 Baab Zikril Jinn)
.
Agar
Nabi Kareem Sallallaho Alaihe Wasallam se kuch mangna shirk hai to shirk yahan
kyun nahi hua?
Nabi
Kareem Sallallaho Alaihe Wasallam ne unse kyun nahi kaha ki mujhse kyun mang
rahe ho, ALLAH se mango etc..??
Note:
Jinnaton ne koi ek waqt ki roti nahi mangi thi jo dekar mamla khatm kar diya
Jaye. Ye rizq ka intezam Qayamat tak ki Khurak hai jo mere Nabi Kareem
Sallallaho Alaihe Wasallam se mangne par mili hai.
Scan
Page:
Sahih Bukhari aur Bidat:
41.Jo chiz
Faida dene wali (achhi) ho aur Shariat ne usse mana na kiya ho to wo Jaiz hai.
(Sahih
Bukhari Kitabut Tibb Baab Hal Yastakhrij)
.
Baat
baat me Bidat ka fatwa lagane walon Ye Bukhari me likhi hui hai isliye ab ye
mat kehna ki ye Usool Barelviyon ne banaya hai. Ya phir ye maan lo ki Sahih
Bukhari bhi Barelviyon ke maslak ko Haq sabit karti hai.
Scan
Page:
42.Wahabiyon
se ek sawal
Hazrat
Khubaib radiAllaho Anhu ne ye Tariqa raaij kiya tha ki jo Musalman bebas karke
qatl kiya jaye wo pehle 2 rakat Namaz padh le.
(Sahih
Bukhari J-2 Kitabul Maghazi H.no.1166)
.
Kya ye
Tariqa Ijad karna bidat hai?
Agar
nahi to kyun nahi?
Agar
hai to tumhare nazdik Har bidat Gumrahi hai aur Jahannam me le jane wali hai?
.
Jawab
ka Muntazir.
Scan
Page:
43.Dam
karna aur Bidat... Ghair Muqallideen se ek Sawal
Ek
Qabeele ke sardar ko saanp ne das liya to Hazrat Abu Saeed Khudri radiAllaho
Anhu ne Sureh Fatiha padhkar uspar dam kiya aur wo theek ho gaya. Lekin ye dam
karne ki Ijazat kabhi Nabi Kareem Sallallaho Alaihe Wasallam se nahi mili thi.
(Sahih
Bukhari J-3 Kitab Fazaile Quran Baab Fazle Faatihatil Kitab H.no.2)
.
Ab
Sawal ye hai ki Nabi Kareem Sallallaho Alaihe Wasallam ne to aisa koi dam karne
ka tariqa bataya tha phr kya aisa karke Hazrat Abu Saeed Khudri ne bidat kiya
hai?
Jawab
GM denge.
Scan
Page:
44.Imam
Bukhari bhi Mukhtalif sanad se Marwi Matan ko ek sanad me mix karte hain.
(Sahih
Bukhari J-2 Kitabul Maghazi Baab Hadeesil Ifk H.no.1305)
Scan
Page:
45.Hazrat
Ali radiAllaho Anhu ki Gawahi
Nabi
Kareem Sallallaho Alaihe Wasallam ne Mutah karne se mana farmaya hai.
(Sahih
Bukhari Kitabul Maghazi J-2 H.no.1370)
.
Lo bhai
Shiyon ko Naiyya doob gayi. Maula Ali khud Shiyon ke Aqaid ke khilaf gawahi de
rahe hain.
Scan
Page:
46.Nabi
Kareem Sallallaho Alaihe Wasallam ka Kitabat karna (likhna) sabit hai.
(Bukhari
Kitabul Maghazi J-2 Baab Umratil Qaza H.no.1395)
Scan
Page:
47.Imam
Bukhari ne Sahih Bukhari me Imam Abu Dawood se bhi sanad pesh ki hai. Jabki
Imam Abu Dawood Imam Bukhari ke shagird hain.
(Sahih
Bukhari Kitabul Maghazi J-2 Baab Ghazwate Tabook H.no.1542)
Scan
Page:
48.Nabi
Kareem Sallallaho Alaihe Wasallam agar kisi ko awaz den aur wo Namaz padh raha
ho to usko chahiye ki Namaz chhod kar pehle Nabi Kareem Sallallaho Alaihe
Wasallam ki bargah me hazir ho.
(Sahih
Bukhari Kitabut Tafseer Baab Maa Jaa fi Fatiha H.No.1591)
.
Isse
pata chalta hai ki Nabi Kareem Sallallaho Alaihe Wasallam ki pukar sunna aur
manna tamam farzon se badhkar farz hai.
Isiliye
to Hazrat Ali radiAllaho Anhu ne Aaqa Kareem Sallallaho Alaihe Wasallam ki
neend ke liye apni Asar ki Namaz Qurban kar di thi
.
2. Is
Hadees me niche ke hisse se ye bhi sabit hota hai ki Sureh Fatiha Qur'an ka hi
hissa hai. Jabki Ghair Muqallideen ke kuch log Sureh Fatiha ko Quran nahi
mante.
Scan
Page:
49.Shabe
Qadr 27th raat hai
(Bukhari
Kitabul Maghazi J-2 Baab 555)
Click
on next page to see rest of Hadees
Scan
Page:
50.Shabe
Qadr 27th raat hai
(Bukhari
Kitabul Maghazi J-2 Baab 555)
Scan
Page:
51.Sufiyan
ne Ibn Juraij ka naam nahi liya ki unhone Ibn Juraij se suna hai. Lekin phir
bhi Sanad me Ibn Uyaina an Ibne Juraij likha hua hai.
(Sahih Bukhari
Kitabut Tafseer Baab Qaulihi Saaiyas Naine H.no.1775)
.
Koi
Ghair Muqallid mujhe batayega ki jab Sufiyan ne Ibn Juraij ka naam liya nahi to
sanad me Imam Bukhari ne kahan se likha? Ya phir Ibn Uyaina ne An se bayan
karke Tadlees ki hai?
Ghair
Muqallideen se Jawab ka Muntazir.
Scan
Page:
52.Nabi
Kareem Sallallaho Alaihe Wasallam ne apni Tamam Azwaje Mutahharat (Holy Wives)
ko bhi *Ahlebait* kaha hai.
(Sahih
Bukhari J-2 Kitabut Tafseer Baab Qaulihi la Tadkhulu H.no.1903)
.
Yani jo
Shia ye kehte hain ki Ahlebait se murad sirf Hazrat Ali ki hi family hai to
unka Daawa ghalat hai. Aur Shia jo Ummul Momineen Hazrate Ayesha Siddiqa
radiAllaho Anha ko bura bhala kehte hain wo tauba kar len.
Scan
Page:
53.Quran
Paak me ek Ayat hai
الیہ
یرد : سورۃ الشورى : آیت 23
ؕ
قُلۡ لَّاۤ اَسۡـَٔلُکُمۡ عَلَیۡہِ اَجۡرًا اِلَّا الۡمَوَدَّۃَ فِی الۡقُرۡبٰی ؕ﴿۲۳﴾
ترجمہ
کنز الایمان :
، تم
فرماؤ میں اس (ف ٦٨) پر تم سے کچھ اجرت نہیں مانگتا (ف ٦٩) مگر قرابت کی محبت
Yahan
fil Qurba se kaun murad hain?
.
Hadees:
Ibn Abbas radiAllaho Anhu se is bare me pucha gaya to Saeed bin Jubair ne jaldi
se kaha ki isse Nabi Kareem Sallallaho Alaihe Wasallam ki Aal murad hai.
Ye
sunkar Ibn Abbas radiAllaho Anhu ne farmaya ki tumne Jaldbazi ki hai. Beshak
Quraish ki koi shaakh aisi na thi jiske sath Nabi Kareem Sallallaho Alaihe
Wasallam ki qurabat na ho. Phir Ibn Abbas radiAllaho Anhu ne unse kaha ki kam
se kam tumhe mere aur apne darmiyan is rishtedari ka lehaz to rakhna chahiye.
(Sahih
Bukhari J-2 Kitabut Tafseer Baab Illal Mawaddata H.no.1929/4818)
.
To Jo
log ye kehte hain ki is Ayat me bhi Fil Qurba ka misdaq sirf Maula Ali ka
Gharane hai wo apni Islah kar len ki isse murad Nabi Kareem Sallallaho Alaihe
Wasallam ki har qism ki Qurabat dari hai, khwah wo apke sahaba hon to phir Shia
Jo Sahaba par tanz karte hain Khususan un Sahabi par jo Nabi Kareem Sallallaho
Alaihe Wasallam se rishte me bhi jude hain, unhe is ayat ka Hukm samajh lena
chahiye.
Scan
Page:
54.Izhare
Mohabbat ke Alfaz aur Aadaab
(Sahih
Bukhari J-3 Kitabun Nikah Baab Qaulilaahe H.no.111)
.
Ye
Islam ki Taleem ki Khubsurti hai ki usne Logon ke dilo ki Khushi ka khayal bhi
rakha hai aur har ek nuqte par Logon ki rehnumai ki hai.
Scan Page: 
55.Baat
baat me Shirk ka fatwa lagane wale Jawab den:
.
Hazrat
Ayesha Siddiqa radiAllaho Anha ALLAH aur uske Rasool Sallallaho Alaihe Wasallam
dono ki Janib Tauba karti hain.
(Sahih
Bukhari J-3 Kitabun Nikah Baab Hal Yarjeu h.no.167)
.
Ek aam
Insan se Gunah ho jata hai to wo ALLAH ki Bargah ne Tauba karta hai. Magar
Ummul Momineen to RasoolULLAH ki bargah me bhi tauba kar rahi hain.
.
Ab Is
bare me apka kya Khayal hai?
Scan
Page: 
56.Imam
Bukhari ne ek puri Hadees Hazrat Abu Huraira se Marfuan riwayat ki aur Nabi
Kareem Sallallaho Alaihe Wasallam tak pahunchaya.
Phir
last me naqal kiya ki unhone ye sab Nabi Kareem Sallallaho Alaihe Wasallam se
nahi suna tha balki apni Janib se bola hai.
(Sahih
Bukhari J-3 Kitabun Nafqat Baab Wujubun Nafqa H.no.323)
Scan
Page:
57.Animal
Teachings bhi Islam ne hi shuru ki hain.
Kutte
ko Training dena Ye Islam ne bataya hai.
(Sahih
Bukhari J-3 Kitabuz Zabaih Baab Saidil Qaus H.no.442)
Baad ke
kuch Western logon ne Animal Teaching ko apni kamyabi samajh liya.
Scan
Page:
58.Hadees
ka Martaba aur Sahaba ka Aqida:
Jab
Kisi ko Hadees sunayi Jaye aur wo ignore kar de.
To
Sahabi usse dobara baat nahi karte.
(Sahih
Bukhari J-3 Kitabuz Zabaih Baabul Khazfe H.no.443)
Scan
Page:
59.Khade
hokar Paani Peena bhi Hadees me maujud hai.
(Sahih
Bukhari Kitabul Ashribah Shurbe Qaaiman H.no.576)
Scan
Page:
60.Bagair
Takabbur ke Kapda takhno se niche latkana
(Sahih
Bukhari Kitabul Libas)
Scan
Page:
Ek Musht Darhi ka Suboot:
61.Ek
Musht(mutthi) darhi ka subut.
Hazrat
Ibne Umar apni Darhi ko mutthi me pakadke aur jitni usse zyada badhi hui hoti
usko kaat dete the.
(Sahih
Bukhari J-3 Kitabul Libas Baab Taqleem H.no.834)
.
Naam
Nihad Ahlehadees jo baat baat me Bukhari ka naam lete hain wo Darhi ko itna
bada karte hain ki unke pet tak ya kabhi usse bhi niche chali jati hai.
Wo
Ankhen kholkar Bukhari padhen.
Scan
Page:
62.ALLAH
ki rehmat ke 100 hisse hain. Usne sirf 1 hissa zamin par nazil kiya hai jisse
makhluq ek dusre par rehem karti hai.
(Sahih
Bukhari J-3 Kitabul Adab Baab Ja'ala ALLAH H.no.938)
.
SubhanALLAH,
ghaur karne ki baat ye hai ki sirf ek Hissa jo Rehmat duniya me nazil kiya hai
usi me Maa ko mamta mili, Baap ko Shafqat mili, Bhai behen ka pyar, aur Nabiyon
ki apni Ummat ke liye Mohabbat bhi isi ka hissa hai. Aur hamare Aaqa Kareem
Sallallaho Alaihe Wasallam apne Ummatiyon ko kitni Mohabbat farmate hain ye
baat bemisal hai.
Aur ye
sari Mohabbat ALLAH ki rehmat ka sirf ek hissa hai. Zara andaza lagayen jab wo
Rabbe Kareem Akhirat me apni rehmat ke 99 Hisse apne bandon par nazil karega to
kaisa manzar hoga. Wo kis qadar maaf karne wala hai.
Scan
Page:
63.Planting
and Islam...
.
Nabi
Kareem Sallallaho Alaihe Wasallam ne farmaya: Jab koi Musalman darakht lagaye
phir usse koi Insan ya Janwar khaye to lagane wale ki taraf se wo sadqa shumar
hota hai.
(Sahih
Bukhari Kitabul Adab H.no.951)
.
Aaj
puri duniya me Global Warming se tahaffuz ke liye ped (Trees) lagane par zor
diya aur Animal rights par baat ho rahi hai. Magar Islam ne hame 1400 saal
pehle hi iski taleem de di hai. Isme Ped lagane ki bhi targheeb hai aur Janwar
ke khane se bhi Insan ko sawab milta hai yani animal Rights bhi bataye gaye
hain. Isiliye ham kehte hain ki Islam is a complete religion. It guides us in all
the aspects of our personal and social life.
Scan
Page:
64.Momin
ek hi surakh me do bar nahi dasa Jata. (Yani ek hi Shakhs se do bar dhoka nahi
khata, ek hi patthar se 2 bar thokar nahi khata)
(Sahih
Bukhari Kitabul Adab Baab La Yuldagh H.no.1065)
Scan
Page:
65.Sarahat
se baat na karna Jhut me dakhil nahi hai.
(Sahih
Bukhari J-3 Kitabul Adab Baabul Ma'aareez)
Scan
Page:
Dono hath se Musafha karne ka Suboot:
66.Dono
hath se Musafha karna bhi Sahih Bukhari se sabit hai, Jabki Ghair Muqallideen
ke yahan musafha ek hath se karne ka daawa hai.
Hammad
bin Zaid ne Abdullah bin Mubarak ke sath dono Hathon se Musafha kiya.
(Sahih
Bukhari J-3 Kitabul Istezan Baabul Akhze bil yadain Raqam 712)
Ab agar
Ghair Muqallideen ye kahen ko ye sirf Abdullah bin Mubarak ka amal hai Hadees
nahi. To Jawab hai ki han ye Hadees nahi lekin Imam Bukhari ne is Amal ko
bataur dalil naqal kiya hai yani Imam Bukhari khud dono hath se Musafha karne
ke qaail hain.
.
Phir
niche Hazrat Abdullah bin Masood aur Nabi Kareem Sallallaho Alaihe Wasallam ke
apas me dono hath se Musafha karne ki dalil bhi khud Imam Bukhari ne is Baab ke
tehet likhi hai.
(Sahih
Bukhari J-3 Kitabul Istezan Baabul Akhze bil yadain H.no.1194)
.
Ab agar
Ghair Muqallideen ye kahen ki wo Musafha nahi balki sirf dono hathon me hath
pakadna hai.
To
Jawab hai ki Imam Bukhari ne to isko Musafhe ki dalil banayi hai. Aur apke
Yahan Imam Bukhari ka istidlal bhi Hujjat hota hai.
Scan
Page:
67.Nabi
Kareem Sallallaho Alaihe Wasallam ke paseene ko Tabarrukan istemal karna
Jab
Nabi Kareem Sallallaho Alaihe Wasallam so jate to Hazrat Anas bin Malik apka
Pasina aur Mu-e-Mubarak (holy hair) Jama kar lete aur unhe ek shishi (bottle)
me dalkar khushbu me mila liya karte aur Jab Hazrat Anas radiAllaho Anhu ke
wisal ka waqt qarib aaya to farmaya wohi khushbu unke kafan par lagayi Jaye,
phir unke kafan pe wohi Khushbu lagayi gayi.
(Sahih
Bukhari J-3 Kitabul Istezan Man zara qauman H.no.1211)
.
Kafan
par tabarrukan kuch istemal karne ka hukm Nabi Kareem Sallallaho Alaihe
Wasallam ne nahi diya magar Sahaba ka ye Aqida hai ki Nabi Kareem Sallallaho
Alaihe Wasallam ke paseene ko agar Kafan me laga lenge to Qabr me bhi iski
Barkaten hasil hongi.
.
Ab Sare
Munkireen se mera sawal hai ki batao kya Imam Bukhari bhi barelvi the jo aisi
Hadeesen naqal ki hain?
Scan
Page:
68.Islam
me Fasad karne walon ke liye Sakhti bhi bahot hai.
(Sahih
Bukhari J-3 Kitabul Muharibeen Baab Lam Yusqa H.no.1709)
Scan
Page:
69.4 logon
par se Qalam (Sharai Hukm) Uth gaya hai.
(Sahih
Bukhari J-3 Kitabul Muharibeen Baab La Yurjamul Majnun)
Yani
inke liye koi saza nahi hai.
Scan
Page: 
70.Ibn
Umar radiAllaho Anhu ka Farman:
Kafiron
ke bare me nazil hone wali Ayaton ko Musalmano par fit karne wale log badtareen
makhluq hain.
(Sahih
Bukhari J-3 Kitab Istitabatil Murtadeen Baab Qatlul khawarij Raqam No.1033)
.
Jaise
aaj Wahabi karte hain ki Buton ke bare me Quran ne kaha ki wo tumko faida nahi
pahuncha sakte to Wahabiyon ne usko Musalmano par fit kar diya ki koi Wali bhi
faida nahi pahuncha sakta.
Quran
ne Kafiron ke liye kaha ki koi sifarishi (Waseela) unke kaam na aayega to
Wahabiyon ne un Ayaton se Musalman Buzurgon ke waseele ka hi inkar kar diya.
.
To sun
lijiye ki ek sahabi Hazrat Ibn Umar ne faisla kar diya hy ki Kafiron ke bare me
jo Hukm hain unko Musalmano par fit karne wale (wahabi) log badtareen makhluq
hain.
Scan
Page:
71.Nabi
Kareem Sallallaho Alaihe Wasallam ne farmaya: Main Musalmano ka unki Jaan se
bhi zyada malik hu. Jo shakhs Mar Jaye aur uske upar kisi ka qarz ho aur ada
karne ke liye kuch (daulat/ maal) na chhoda ho to uska ada karna mere zimme
hai. Aur jisne Maal chhoda ho to wo uske warison ka hai.
(Sahih
Bukhari J-3 Kitabul Faraiz Baab H.no.1635)
.
SubhanALLAH
Zara
andaza lagayen ki Nabi Kareem Sallallaho Alaihe Wasallam me yahan duniya ke
tamam Musalmano ke qarz ki zimmedari apne upar le li hai ki agar wo kisi se
qarz lekar ada karne se pehle mar jaye to uski taraf se Nabi Kareem Sallallaho
Alaihe Wasallam ada karenge.
Ab Kisi
ke man me agar sawal aaye ki ye Hukm to zahiri hayat tak raha hoga baad me
kaise ada karenge. To suniye Nabi Kareem Sallallaho Alaihe Wasallam tamam
Musalmano ki Jaan se zyada unke Malik hain yani ye hukm ham aur aap sabke liye
hai. So agar duniya me nahi to akhirat me zarur Nabi Kareem Sallallaho Alaihe
Wasallam us qarz ke badle me itna ataa karenge ki wo shakhs raazi ho Jayega
jisse qarz liya gaya tha. Phir mere Aaqa chahen to badle me raazi karne ke liye
Jannat bhi ata kar den.
Isme
Musalmano ke liye kitni badi khush Khabri hai. Aur andaza lagayen hamare Aaqa
Kareem Sallallaho Alaihe Wasallam hamse kitni Mohabbat karte hain ki Puri
duniya ke Musalmano ke qarz ki zimmedari khud le li hai.
Scan
Page:
72.Nabi
Kareem Sallallaho Alaihe Wasallam ne farmaya ki main so raha tha aur Zamin ke
Khazano ki Kunjiyan mere hath me rakh di gayin.
Sahabi-e-Rasool
Hazrat Abu Huraira radiAllaho Anhu ka Aqida hai ki ham sab Nabi Kareem
Sallallaho Alaihe Wasallam ke hi Khazano se sab kuch Hasil kar rahe hain.
(Sahih
Bukhari J-3 Kitabuk Etisam H.no.2135)
.
SubhanALLAH,
ab Koi ye na kahe ki unhone us waqt ke hi kisi chhode hue Khazane ki baat ki hy
puri duniya ke logon ki nahi.
Kyunki
Nabi Kareem Sallallaho Alaihe Wasallam ne Zamin ke Khazano ki Kunjiyon ka zikr
farmaya hai. Yani sari duniya me jo bhi nematen hain wo RasoolULLAH Sallallaho
Alaihe Wasallam ke Ikhtiyar me hain. Isliye sari duniya me jisko bhi jo kuch
mil raha hai wo Nabi Kareem Sallallaho Alaihe Wasallam se hi mil raha hai. Aur
ye Istidlal Sahabi ka hai.
Ye jo
Munkireen subah sham agar 2 roti bhi khate hain na, to wo bhi mere Nabi Kareem
Sallallaho Alaihe Wasallam ke Khazane se hi aa rahi hai.
Tera
khayen tere Ghulamon se Uljhen,
Hain
Munkir ajab Khane Gurrane wale.
Scan
Page:
73.Tamam
Ambiya ko ye Khususiyat Hasil hai ki unki ankhen soti hain dil nahi sota.
(Sahih
Bukhari J-3 Kitabut Tauheed Baab Qaulihi wa Kallama H.no.2364)
Scan
Page:
74.ALLAH
aur Uska Rasool Tumhare Amaal ko dekhte hain.
(Sahih
Bukhari J-3, Kitabut Tauheed Baab Qaulilaahe Ta'ala Raqam 1277)
*Nigah-e-Mustafa
Sallallaho Alaihe Wasallam ko ALLAH ne aisa Kamaal Bakhsha hai* ki wo Musalmano
ke Amaal ko bhi dekh rahe hain, lekin aaj ek Jahil Qaum aisi bhi hai jo kehti
hai ki Nabi ko diwar ke piche ka Ilm nahi.
maazALLAH
.
Ab koi
Munkir ye Aitraz kar sakta hai ki riwayat me aage dusri Jagah ye bhi likha hai
ki Musalman bhi tumhare amal ko dekhte hain to kya Musalmano ki Nigah me bhi wo
Kamaal hai?
.
Jawab:
Musalman kisi ek Insan ko nahi kaha Jata balki ye puri Qaum hai. So Zahir hai
apke Amal ko dekhne wala koi na koi Musalman to hota hi hai. Isliye yahan Kisi
Musalman ka kisi maujud ko dekhna koi Kamaal nahi.
Lekin
ALLAH ek, uske Rasool Muhammad Sallallaho Alaihe Wasallam ek. To phir Nabi
Kareem Sallallaho Alaihe Wasallam ka Musalmano ke amal ko dekhna kamaal hai.
Scan
Page: